اسوس بتقول انهم عاملين أفضل لابتوب مخصص للألعاب بحجم شاشة 14 أنش

النهاردة مقالة مختلفة  .. لاني هعمل

ريفيو سريع عن لابتوب Asus ROG Zephyrus G14 

الابتوب كان معلن عنه في معرض CES 2020

معرض الإلكترونيات الاستهلاكية العالمي CES 2020
Consumer Electronics Show
الذي يُقام سنوياً في مدينة لاس فيغاس الأميركية، وهو معرض مخصص لاستعراض أبرز التقنيات والتكنولوجيات الحديثة التي طورتها الشركات الكبرى.

مقدمة

من اهم الاشياء في اللابتوب دا انه يعتبر Ultra book او Ultra-slim Gaming وللألعاب ودي حاجة مش طبعيية! انك تجمع بين لابتوب مواصفات عالية جدا تشغل الالعاب وتقدر تمنتج عليها .. وفي نفس الوقت وزنها خفيف!

لانه فيه بروسيسور ” AMD Ryzen 4000 Series دا اللى كان بيزاع دايماً وبيقال انه قاهر الانتل .. وهو الأفضل في العالم من ناحية القوة والأداء.

بشكل عام لما نتكلم على لابتوب متخصص في الالعاب فدا معناه انه لازم يكون بمواصفات عالية عشان يتحمل لآن الالعاب هي بتكون الاختبار الحقيقي لللابتوب ROG زيفروس، اللى عجبني برده ان في الغالب لابتوبات الألعاب بتلاقي شكلها واضح جدا .. الوان مضئييه في كل مكان الشكل العام لللابتوب بيبان عليه، اللابتوب بالنسبة لـ منتجي المحتوى مثلا التعديل على الصور والفيديوهات أو لهدف الـجيمع بنظام التشغيل ويندوز 10.

المواصفات الداخلية

هتتقسم لشاشة، بروسيسور ورام  والمهم كارت الشاشة

الشاشة – Display:

اللابتوب متاح في عدد 3 نسخ من ناحية الشاشة كلهم 14 انش لكن بيختلفوا الهرتز 60 هرتز ودا وموجه لصناع المحتوى و 120 هرتز وفي ظهرة LED Animie Matrixودا موجهه إلى اللاعبين

( 1080p 60 – 1080p120 – 1440p60 ) وبجودة الشاشة دقتها عالية ومعتمدة على الوان من بانتون وواخدين    Pantone Certification وبيدعم 100% SRGB.

ولأنه 14 انش عنيا شويه وجدت صعوبة لما جربتها في الجيمنج لكن مع الوقت اتعودت والافضل شغلت شاشة جمبها ^_^

كارت الشاشة GPU:

NVIDIA® GeForce RTX™ 2060 with Max-Q  – بـ 6GB GDDR6

وفي موديل تاني ارخص بـ GTX 1660 Ti

https://www.notebookcheck.net/NVIDIA-GeForce-RTX-2060-Laptop-Graphics-Card.384946.0.html

البروسيسور CPU:

الشئ الرهيب في اللابتوب دا …
في نسختين AMD Ryzen واحدة 7 والنسخة اللي معانا هي احدث نسخة AMD Ryzen™ 9 4900HS

وهو تقريبا من افضل الشبست المنافسة بشكل شرس مع Intel المعالج ثماني النواه للأبكليشن اللى بتعمل بيها رندر زي ادوبي بريمير و برامج المونتاج بشكل عام حجم البروسير نفسه 7 نانو ميتر

في لابتوبات كتير عندهم 8 كور بس مش بهذا الحجم ولا بهذه الخفة  دا لابتوب 14 انش وصغير جدا!

واللى بيقارن بـ Core   الجيل التاسع من انتل واللى هو افضل منه الحقيقة وهنشوف ايه اللى هيتقدم في الجيل العاشر من انتل.

الرام Memory:

8 جيجا موجودة بالجهاز وفي Slot  8 جيجا أيضا بإجمالي 16 جيجا DDR2 وتقدر تزوده حتى 24 جيجا.

مساحة التخزين – SSD:

1 تيرا بايت SSD

وبرده عندنا البلوتوث 5 و الواي فاي Intel Wifi 6 ومفيهوش كاميرا

البطارية ووزن اللابتوب:

البطارية 76 وات / للساعة – البطارية بتقعد حوالي 8 ساعات ونص ودا  مع شاحن بـ مدخل Type C  ودا يخليك تقدر تشحنه بشاحن الموبايل تايب سي بـ 65 وات عادي ودي ميزة الحقيقة !
بس اكيد مش هيديلك نفس الطاقة اللى ممكن تلعب بيها جيمز يعنى وتشغل الـ GPU بكل طاقة زي الـ AC Adapter هتستفيد من دا في الاعمال السريعة .. !

اوالأهم من كدا الشاحن وزنه خفيف عشان في الغالب لما بتتحرك باللابتوب بتاخده معاك

Power brick ..

بيديلك طاقة 180 وات
واللى وزنه كيلو و 700 جرام تقريبا

ووزن الجهاز الإجمالي بالبطارية حوالي 2 كيلو و 300 تقريباً .

الصوت:

Dolby Atmos Technology

كما يقال انه من افضل الاصوات خاصة للي متخصصين في التعديل على الصوتيات

بعد  تجربتها مش الأفضل على الاطلاق لكنها جيدة في 2 في الجزء العلوي و2 في السفلي.

التصميم:

شكله معدني،

الكيبورد شويه يحسسك انه لابتوب العاب خاصة، الارقام، الحروف وخاصة زر الباور ومريح الحقيقة في الكتابة

البصمة:

طبعاً كتير من اللابتوبات حالياً بتقدم خدمه الضغطة بتاعت الـباور فيها بصمة لسيكيورتي افضل

التاتش باد:

كنت اتمنى ان التاتش باد تكون كبيرة شويه خاصة انه لابتوب لـ 2020 وحسيت بشويه مشاكل مع استخدام التاتش باد

عجبنتي فكرة فتح الجهاز وترك مساحة من الاسفل  واللى بتساعد على تهويه الجهاز وبرده عشان الكتابة لكنها اعتقد ممكن تكون مضره بعض الشئ لان الهوا اللى خارج من المراوح بيروح عليها..

Screen raito:

وبالنسبة لمساحة الشاشة ملاحظ انها واخده تقريباً 83% Screen raito والحواف مش كبيرة لكن في الاسفل شويه طويلة

مداخل ومخارج اللابتوب:

• Full-Size HDMI
• USB a + USB C
• 3.5mm Audo Como jack
• 2 USB 3.2 Gen 1
• Type c port
• Lock
• السماعات

ومع الاسف مفيش thunderbolt  there support

لانهم مستخدمين AMD INTEL وانتل في الغالب مش عايزة تروج اكتر لـ Thunderbolt 3

وبكدا هو يمكن استخدام فقط USB C PORT شويه بطئ

إذا كنت محتار  إليك أهم 3 أسئلة قبل شراء لابتوب

1. نوع المعالج
2. مساحة RAM
3. مساحة التخزين

فإذا رغبت في شراء جهاز باستخدام متوسط، فأنصحك بالمواصفات التالية:

• *المعالج: i5 (الجيل السابع فأعلى)
• *مساحة الرام: 8GB أفضل 16 جيجا
• *حجم الهاردسك: SSD 512GB أو 1TB HDD

وكلما كان استخدامك أشد ارفع المواصفات.

ودا موقع ممكن يساعدك في الاختيار حسب الفلتر على اليسار
https://www.productchart.com/laptops/

فيديو المراجعة كامل