من خلال مشاهدة هذا الفيديو ستتعرف على الأمور التالية:
- الفروقات بين الحسابات البنكية
- كيف تختار الحساب المناسب
- مصاريف فتح الحساب
- أسئلة مهمة يجب طرحها قبل فتح الحساب
بالأسفل إليك ملخص لما تم ذكره في الفيديو مكتوب باللهجة العامية حيث انني قمت استذكر محتوى الفيديو من خلاله.
نبدأ الفرق بين حسابات البنوك
وهنا هتكلم على الأفراد لآن الشركات لهم أنظمة مختلفة
حسابات البنوك بشكل عام بتختلف من بنك لأخر ولكن هذا هو الأساس وبيتم عمل منه حسابات ومسميات اخرى مثل حساب جاري بعائد يومي حساب بالثانية إلى آخره.
![](https://nologytv.com/wp-content/uploads/2021/11/image-11-1024x566.png)
النوع الأول
حساب جاري Current or Checking ( حساب تقدر تعمل بيه كل المعاملات الأساسية تدفع تودع تسلم فلوس تعرف رصيدك اكيد بس اللى بيميزة حاجتين
( تقدر تطلع دفتر شيكات، معليهوش فوايد )
النوع الثاني
حساب توفير Saving ( نفس الكلام لكن ( في الغالب متقدرش تطلع بيه دفتر شيكات) + عليه فوايد ) ونسبة الفايدة بتختلف حسب المبلغ المودع كلما زاد زادت الفايدة الكلام دا على البنك التجاري أو الإسلامي حتى لو الفايدة متغيرة بس بتبقى بنسبة ازيد.
ولو ربنا كارمك ومعاك عملات أخرى غير الجنية مثلا بيتفتح لك حساب لكل عملة …. فهيبقى يكون عندك حساب توفير مصري وحساب توفير دولاري مثلا وهكذا في الجاري..
وكل حساب توفير ممكن يكون فيه منه فئات الفايدة تنزل كل ٣ شهور مثلا او سنة وهكذا حسب كل بنك.
وكل حساب من دول بيكون ليه رقم بيوصل لـ ٣٠ حرف بتديهم لأي حد واوتوماتك الفلوس توصل على المكان دا.
و بعض البنوك بتديلك رقم ID او كود للعميل لحسابك بحيث لو حد راح الفرع بتاع البنك بتاعك يقولهم عايز احول الكود دا بيكون عدد ارقامة اقل عادةً,
مصاريف فتح الحساب
بتختلف من بنك للأخر ولكن دي بشكل عام مصروفات البنك الاهلي المصري حسب اخر ابديت عندي:
ومن شروط فتح الحساب البنكي:
طيب ايه نصحيتك؟ اسئل مجموعة الاسئلة دي
- ما هي التكاليف الإجمالية التي سيتم خصمها سنوياً ومصروفات لمرة واحدة؟
- هل سيتم خصم مصروفات في حال كان الحساب راكد غير نشط أي لا يوجد به معاملات لفترة عام مثلا.
- كيف يمكنني معرفة أسعار الفائدة بشكل مستمر
- متى يتم ارسال أرباح الحساب ومتى يتم إصدار كشف الحساب؟
- متى يتم تحصيل الرسوم من الحساب؟
- ما هي مصروفات إصدار كارت إضافي
- هل يمكن إنهاء أي طلبات في الحساب عن طريق الإيميل أي التواصل مع خدمة العملاء
- هل يوجد مصروفات عند السحب من الشباك وما هو الحد الأدنى
- هل يمكن إلغاء كشف الحساب
- إذا تم إيداع مبلغ في فرع آخر غير المفتوح به الحساب متى تصل الأموال لحسابي
- ما هي مصروفات السحب من ماكينة بنك آخر
- ما هي الفروقات بين فئات الكروت Gold، Platinum
- ما هو الحد الأقصى للسحب من الماكينة ومن الفرع؟
نصيحة غالية:
عند فتح حساب توفير عادةً يفتح حساب جاري تلقائياً، يمكنك طلب إغلاقه لتجنب أي مصروفات إضافية
دي معلومات بشكل عام طبعاً لو ناوي تفتح حساب ادخل على موقع البنك واعرف أكثر عن تفاصيل الحسابات اللى موجودة عندهم وشوف اللى يناسبك.