شرح إنشاء موقع إلكتروني احترافي من الصفر في دقائق 2024

بعد ما تخلص الفيديو هتكون قادر تعمل اي نوع من المواقع الإلكترونية الاحترافية في 4 خطوات بسيطة وبدون تعلم أي لغة برمجة بسهوله باسم دوت كوم  زي OmarMohsen.com

و بتصميم احترافي واللي ممكن يكون (مطعم، كافية، عيادة، محامي، بيع منتجات وغيرهم ) – واللي هتشتغل على موبايل تابلت لابتوب كمبيوتر بكل سهولة   وبدون ظهور إعلانات ودا المهم لإنك إذا استخدمت موقع من المواقع المجانية هتعاني من النقطة دي.

وبالتأكيد هيكون عندك لوحة تحكم سهلة للتعديل على الموقع في اي وقت وفي دقائق بواجهه مرئية.

ببساطة الفيديو دا مهم جدا لأنه ممكن يكون مصدر رزق.

أية أهمية الموقع الإلكتروني؟؟

الموقع الإلكتروني هو بيمثل هويتك على الانترنت وفكرة انك تعرض شركتك او منتجات على السوشيال ميديا شيء جميل لكن وحدها مش كفاية مع وجود موقع وايميل احترافي  بيؤكد وجود نشاطك عالمياً ومن خلاله بتقدر تبرز مميزات شركتك او منتجاتك إلخ .. فلا غنى عن وجود المواقع الإلكترونية حتى لو متواجدين على السوشيال ميديا.

هنبدأ في إنشاء الموقع الإلكتروني في 4 خطوات هنشرحهم بالتفصيل:

1. شراء نطاق واستضافة Domain and Hosting
2. إضافة الوورد برس Install WordPress
3. اختيار التصميم المناسب
4. التعديل على الموقع

الخطوة الأولى

شراء نطاق واستضافة.. ودول أساسيين عشان ننشئ الموقع الإلكتروني واي شخص في العالم يقدر يفتحة
وبشكل مختصر

الاستضافة Hosting  : هو المكان اللي بنخزن فيه الملفات والنصوص والصور بتاعت الموقع  ( نشبهه بالبيت )

النطاق Domain : هو اسم الموقع والى نشبهه بعنوان البيت

فأنت عشان توصل لآي بيت لازم يكون عنده عنوان هو دا الدومين www.omarmohsen.com

وعشان تدخل البيت لازم يكون في مساحة موجود فيها العفش وباقي تفصيل المنزل. والاثنين دول انت بتأجرهم بشكل سنوي او شهري.

لكي تبدأ أضغط على الرابط أدناه ( ( ستحصل على أفضل سعر وسأحصل على مقابل عند شرائك ) ) 

أبدأ من هنا

ودا واحد من أفضل الموقع اللى جربتها في مجال الاستضافة

الخطوة اللى بعد كدا نختار اسم الموقع ولو عندك شركة او مكتب وليه اسم اكيد هتجربة او لو معندكش ممكن تعمل موقع باسم عام

نضغط خارج الصندوق عشان يتأكد من أن الدومين متاح.
وننزل تحت عشان نشيل العلامة دي دومين برايفسي مش محتاجينها لانها هتغلي السعر.

بعد كدا هنختار باقة الاسضافة أنا اخترت اقل باقة ولمدة سنه لان مش متوقع يجلي زيارات كتير اول سنة
الجزء التاني مدة الاستضافة اخترت 12 شهر، ولو النشاط بتاعكم مستمر ممكن تزود عدد السنين الاستضافة لانه هيوفر معاك كتير وواضح سعر الاستضافة الشهري ولكن في كود خصم هضيفه في صندوق الوصف.

يبقى انت كدا هتحصل على استضافة واسم موقع. وبعد ما تتم عمليه الدفع بالمبلغ المذكور هيكون عندك موقع شغال على الانترنت لمدة سنه كامة واللى ممكن نخليها لمدة شهر لكن الأوفر سنوياً.
والسعر دا بيتغير حسب العروض وممكن تكتب كوبون Snappy للحصول على خصم

بعد كدا نكتب اسم المستخدم ولازم يطابق الشروط من 2 لـ 12 حرف كلهم سمول ويبدأ بحرف وليس رقم .. ثم البين عشان تثبت ملكيتك للحساب من 4 لـ 8 حروف واراقم

الايميل، ، الدولة، المدينة وهكذا باقي بياناتك

هتكتب بيانات الفيزا.
( وهنا لازم يكون عندك وسيلة دفع (بايبال) أو بطاقة بنكية قابل للشراء عبر الانترنت (فيزا، ماسترإلخ وهتكتب البيناات بتاعتها ( الرقم الأول، تاريخ الانتهاء، الاسم على الكارت، الثلاث ارقام ف الخلف.

ننزل تحت نشيل كل العلامات مش محتاجينهم، ونضيف الكوبون اللى موجود في الدسكربشن او هتلاقيه مضاف تلقايئاً اذا فتحت الرابط.

نراجع البيانات عشان نتأكد

وبعدها تضغط على موافق على الشروط وبعدها Checkout now

بكدا انت حصلت على موقع واستضافة، مطلوب منك انك تفعل الدومين عن طريق الرابط على الايميل.

هنروح على الانبوكس وهنا وصلنا الايميل .. لتفعيل الدومين نضغط على الرابط. ثم نضغط Verify here

الخطوة الثانية

وهي إضافة WordPress

WordPress   هي وسيله بتخلينا نقدر نصمم ونعدل على  الموقع الإلكتروني بسهولة بدون خلفية برمجية.

عشان نصتبه هنروح على الموقع بتاعنا  .. هنروح Proceed to customer Area

ثم Set up site   ثم Start new website   ثم نختار WordPress

ثم هنا نكتب اسم الايميل والباسوورد للدخول على الموقع والتحكم به ودي مختلفة عن الاستضافة والدومين .. هكتب ايميل وباسوورد (ضروري محدش يعرفهم لانهم بيتحكموا في الموقع كامل)

” مبرووك كدا بقى عندك موقع إلكتروني على الانترنت واي حد في العالم يقدر يشوفه”

الخطوة الثالثة

اختيار تصميم الموقع بدل ما نقعد نصمم الموقع من الصفر هناخد موقع جاهز ونضيفه عندنا
وبعد كدا نعدل عليه لعمل موقعنا الخاص.

ودا هيسرع جدا عملية إنشاء الموقع الإلكتروني

وعشان نبدأ في إختيار التصميم

1. هنسجل دخول للموقع عن طريق com/login ثم انتر هكتب بيانات الدخول للوورد برس.
   وهنا لوحة التحكم الخاصة بالموقع واللى من خلالها هنقدر نعدل على الموقع بالكامل. وهنسميها ( صفحة الآدمن)
2. الخطوة التالية هي إضافة الثيم او القالب الجاهز للورد برس هنزل ثيم اسمه Astra واللى هيخلينا نضيف موقع كامل جاهز للتعديل عليه.

هنروح على Appearance  ثم Themes ثم Add new theme

وننزل القالب عن طريق الرابط التالي

اضغط هنا لتحميل الثيم

وبعدها نضغط على Upload Theme ونختار القالب الذي تم تحميله سابقاً

وننضغط على Install ثم Activate  ثم نضغط على Get Started

بعدها نختار elementor ودا هيخلي التعديل على الموقع اسهل واسهل.

وهنا هنلاقي تصميمات كتير جاهزة تقدر تختار منها لموقعك حسب التخصص وتقدر طبعاً ف المستقبل تعدل عليه بالكامل والأفضل تختار حاجة مناسبة لتخصصك لو مفيش اختار اللى يعجبك وهنعدل عليه.

هنعمل فلتر Free عشان اشوف فقط الثيمات المجانية .. مفيش داعي نشتري دلوقتي ..

هشوف صفحاته واتأكد انها مناسبة ليا ..وبعدها اضغط على Import Complete Site   وانتظر حتى الانتهاء وبعدها اضغط على Veiw  هنلاحظ ان الموقع خلاص اتنقل وبقى لايف واي حد يقدر يشوفه ودا شكله…

وكدا وصلنا لـ

الخطوة الرابعة والأخيرة

التعديل على محتوى الموقع..

وللتعديل على أي صفحة في الموقع

1. نروح على الصفحة
2. ونعدل عليها بإستخدام اليمنتور

• خلينا نقول عايزين نعدل الصفحة الرئيسية

نضغط عليها وثم Edit with Elementor كدا وصلنا لصفحة التعديل الخاصة بالموقع.. خلينا نقول عايزين نعدل على النص .. اضغط عليه واعدله

وابدأ بالكتابة النص .. وبنفس الطريقة بنعدل على النصوص بالكامل

• عشان نعدل على أي صورة في الموقع هنزل تحت واضغط على الصورة وعلى اليسار اختار الصورة وارفع أي صورة من الجهاز ..
• وعشان اعدل الصورة الرئيسية هضغط على المربعات Edit This section بعدها اروح Style وابدل الصورة .. Upload  … وهكذا .
• اما لو عايز اعدل على الجزء العلوي Header والجزء السفلي Footer دول جزئين ثابتين في الموقع والتعديل عليهم بيكون من الوورد برس نفسة Customize  وليس من اليمنتور نروح على الصفحة الرئيسية … عن طريق  ثم

وبعدها نروح Customize   وهنلاقي في قلم نضغط عليه ونرفع صورة الشعار  وعشان نعدل القائمة نفس الموضوع بالقلم ونعدل عليها.

• وعشان نعدل على الجزء السفلي Footer  حسب القالب ممكن تعدله من Customize   او حالتي الان من الاليمنتور نضغط على Footer  ونعدل عليه مثلا نبدل اللوجو + نعدل النص
• عشان نعدل على القائمة الأساسية هعمل باك وهنروح على Menus ونعدل عليها مثلا بدل Contact  نخليها Call Us

• طيب ماذا لو عايزين نضيف صفحة جديدة بالموقع

  1.  نروح على New Page وبعدها نختار عنوان للصفحة مثلا Team Work ثم نقوم باختيار Edit with Elementor وبعدها هودينا لصفحة فاضية وعندي 3 اختيارات .. ياما اخد قالب جاهز من المتنتور او الثي ماو اعمل حاجة من جديد
     الطريقة الأولى:
     • نفتح New Template وهنشد الحاجة اللى عايزنها مثلا عنوان، صورة وهكذا مثال نشد عنوان وصوره وهكذا ..
     • الطريقة التانية اننا نختار قالب جاهز ايضاً للصفحة ودا جميل جدا ناخد من Astra والقالب بتاع تيم وورد
     • وبرده نقدر نعدل عليها بسهولة وبعد ما تخلص اضغط على Save

• أخر خطوة لو عايز تخلي الموقع بالعربي بدل الإنجليزي

  1. هتروح على صفحة الادمن
  2. ثم إلى Settings ثم General
  3. ثم ننزل قليلاً إلى Site Language وتغييره للعربية
  4. ثم Save Changes ونتوجه إلى الموقع
• هنلاحظ ان الموقع اتحول اتجاهه من اليسار إلى اليمين ودا في عالم المبرمجين بيسموح RTL او Right to left أي اتجاه النصوص في اللغة العربية ..
  • وبعد ذلك نبدأ نعدل المحتوى بتاعنا بالعربية.

    

    وبكدا اتعلمنا إنشاء موقع عن طريق الخطوات التالية:

    1. شراء دومين واستضافة
    2. عمل تصميم مع محتوى تصميم جاهز
    3. التعديل على المحتوى لعمل موقعنا..
• تقدر دلوقتي تضغط على الرابط بالأسفل عشان تبتدي تعمل موقعك الشخصي او شركتك او مقر عملك.. وتظهر بشكل احترافي بين منافسينك او كمان تبتدأ في المجال كشخص يقوم بعمل مواقع ..
• وفي أمور قد تصعب عليكم تعديلها لكن مع البحث والتعلم مفيش حاجة صعبة ونقدر نعملها فيديو منفصل بأسئلتكم في التعليقات الفيديو. ( ( ستحصل على أفضل سعر وسأحصل على مقابل عند شرائك ) )

أبدأ من هنا