Digital Marketing أو e-Marketing أو Online Marketing
يعني ايه ؟
السؤال دا بتسألني كتير .. يعنى ايه تسويق الكتروني النهاردة هبسطلك الموضوع قدر المستطاع ..
المثال اللى هقوله توضيحي وبسيط عشان اوضح فكرة التسويق بشكل عام
لو انت ف مصر في وقت صلاة الجمعة أحياناً بتلاحظ وجود اشخاص بيوزعوا فلايرات او ورق
بتقول افتتاح محل جديد أو تعالوا اتفرجوا ومشترتوش .. لاحظوا متشتروش يعنى هدفه ان الناس تعرف انه فتح ..
هــنا صاحب المحل اختيار الوقت والمكان دا بالفطرة .. لانه ضامن ان يكون في اكبر عدد من العملاء المحليين طالعين من المسجد وعايز يوصلهم …
وبالمناسبة لو عايز شخص يساعدك في التسويق الإلكتروني يمكنك ان تبحث عن موقع مستقل
طيب عايز تقول ايه ؟
عايز اقول ان من 10 سنين كان في وسائل كتير بدائية زي دي كانت تفي بالغرض في التسويق للخدمات بهدف البيع ..
ولكن في عصرنا الحالي في سبل كتير بقت ظاهرة .. نادراً لو في شخص مش بيدخل على واحد من شبكات التواصل الإجتماعي زي فيسبوك مثلا ويستخدم بحث جوجل .. او مش بيقرا صحف الكترونية ..
ومن هنا بدأت فكرة التسويق الإلكتروني ..
هو ببساطة التسويق … بإستخدام الوسائل الرقمية
والتسويق هو بدون ما ندخل في التفاصيل لان في عدد ضخم من التعريفات للتسويق باختصار .. هو عملية توصيل قيمة المنتج أو الخدمة لعملائك.
يبقى التسويق الإلكتروني هو توصيل قيمة المنتج او الخدمة لعملائك عن طريق الادوات الرقمية
طيب السؤال هو ايه هي الادوات والوسائل الرقمية المتاحة وازاى هي مختلفة عن التسويق التقليدي
أوكي نفرق بين الـ التسويق التقليدي و التسويق الرقمي
Traditional Marketing and Digital Marketing
طيب نعرف الاول ايه هي أدوات التسويق التقليدي ؟؟
التسويق التقليدي بيكون معتمد على
- الجرايد و المجلات المطبوعة
- الراديو
- التلفزيون
- لوحات الشوارع Billboard
- توزيع الفلاير بعد صلاة الجمعة 🙂 أو أي وسيلة مطبوعة
أما التسويق الرقمي يعتمد على أدوات زي
- التسويق عبر محرك البحث زي جوجل
- التسويق عبر الايميل
- صناعه المحتوى زي الفيديو والمدونات والمقالات
- شبكات التواصل الإجتماعية سوشيال ميديا فيسبوك تويتر
- ولاحظ ان السوشيال ميديا واحدة من سبل التسويق الرقمي وليس الوحيدة.
- واي وسائل آخرى رقمية ..
واحنا هنا بنتكلم على الادوات اللى اللى كل نوع من التسويق بيعتمد عليهم .. مش بنتكلم على ازاى نستخدم او الاستراتيجية اللى هنتبعها عشان نستخدمهم .. عشان توصيل رسالتنا
….
طيب انه افضل التسويق الرقمي ولا التقليدي .. السؤال دا بيرجع للأستراتجية اللى بتتعمل عشان توصل الرسالة للعميل .. و
بالتأكيد التسويق الرقمي ليه مميزات صعب تلاقيها في التسويق التلقيدي زي .. ( التكلفة، الفاعليه، سهوله القياس، المراقبة، سرعه التنفيذ إلخ ) .
لو فاتتني حاجة اكتبوهالي في التعليقات خلينا نستفيد من بعض ..
☛ وإليكم تعريفات أخرى للتسويق ☚
▬ 1) ▬
من فيليب كوتلر
التسويق هو انشطة انسانية موجهه لإشباع حاجات الافراد ورغباتهم من خلال عمليه التبادل
▬ 2) ▬
التسويق عملية إدارية اجتماعية يحصل بموجبها الأفراد والمجموعات على ما يحتاجون، ويتم تحقيق ذلك من خلال إنتاج وتبادل المنتجات ذات القيمة مع الآخرين.
* مش شرط عملية التبادل تكون شئ مقابل شئ او مقابل فلوس مثال الجمعيات الخيرية مقابل شئ غير مادي الثواب، او حزب .. مقابل تحقيق الذات توصيل الصوت.
▬ 3) ▬
التسويق، هو مجموعة من العمليات أو الأنشطة التي تعمل على اكتشاف رغبات العملاء وتطوير مجموعة من المنتجات أو الخدمات التي تشبع رغباتهم وتحقق للمؤسسة أرباح خلال فترة زمنية مناسبة. ويمكن تعريف التسويق بأنه فن البيع، إلا أن المبيعات هي جزء من العملية.
▬ 4) ▬
من الناحية المجتمعية، التسويق هو الرابط بين الإحتياجات المادية للمجتمع وبين الاستجابة لأنماط الاقتصاد من خلال توصيل قيمة منتوج أو خدمة إلى العملاء.
فيديو لمزيد من التوضيح
