إنشاء موقع ووردبريس مجاني احترافي بالعربي وإنجليزي (متعدد اللغات) من الألف للياء 2022

بعد الإنتهاء من هذا الفيديو ستتمكن من إنشاء وتصميم موقع إلكتروني إحترافي بأكثر من لغة “متعدد اللغات” (عربي،انجليزي) وتستطيع التعديل على الموقع بسهولة وإنشاء عدد صفحات لا محدود، وذلك بدون تعلم لغة برمجة مثل  nologytv.com بحيث يقدر الزائر يدخل موقعك ويقدر يغير اللغة المناسبة.

وذلك بالاستعانة بقوالب مجانية توفر عليك عناء تصميم الموقع وفقط تقوم بالاختيار بين تصاميم معده من محترفين في المجال.  ويقدر المستخدم يغير اللغة مثلا لو ٣ لغات والمحتوى بالكامل يتغير واتجاه الموقع إذا كان بالعربية يتم تحويل اتجاه الموقع من اليمين لليسار ، واكيد الموقع هيعمل بشكل فعال على الكمبيوتر ، التابلت والموبايل بشكل مناسب وبدون ظهور إعلانات.

والهدف من إنشاء الموقع الإلكتروني وتصميمه بأكثر من لغة ولهجة هو الوصول لفئات جديدة يمكنهم التواصل معك واستيراد منتجات او التعرف على شركتك.

وبالتأكيد هيكون عندك لوحة تحكم سهلة للتعديل على الموقع في اي وقت وفي دقائق وبواجهة مرئية.

وإليكم تفاصيل الفيديو:

هنبدأ مع بعض في 5 خطوات بسيطة

1. شراء دومين واستضافة ( لإنشاء الموقع )
2. إضافة ووردبريس على الموقع
3. اختيار تصميم الموقع
4. التعديل على الموقع باللغتين
5. إضافة إمكانية عمل الموقع متعدد اللغات

١. شراء دومين واستضافة ( لإنشاء الموقع )

لو أنشأت بالفعل موقع إلكتروني من الفيديوهات السابقة كمل معايا الخطوات في الدقيقة ٧:٤٢ من الفيديو.

الدومين والاستضافة هم اساسين لإنشاء الموقع الإلكتروني، يعنى مينفعش يكون عندك موقع إلكتروني اسم الشركة .com  مجاناً لا لازم تدفع له ايجار سنوي وهنقولك على أرخص طريقة تشتريه بيها.

عبر هذا الرابط وبأتباع الشرح المذكور بالفيديو.

ودا واحد من أفضل الموقع اللى جربتها التي تدعم اللغة العربية بسعر مناسب:

من مميزات الاستضافة: 

• استضافة عالمية داعمة للغة العربية في المحادثة ولوحة التحكم.
• سعرها هو الأفضل على الإطلاق مقارنة بباقي المواقع.
• سرعة حل المشاكل عبر محادثة بلغتك Live Chat.
• وغيرها من المميزات سنتناولها اليوم في الفيديو. 

هختار الاستضافة اللى في النص لسببين اقدر اعمل عدد لا محدود من المواقع على استضافتي ودا شيء كويس واعمل ايميلات احترافية زي اللى شرحناها في الفيديو عبر هذا الرابط.

الخطوة اللى بعد كدا نختار اسم الموقع ولو عندك شركة او مكتب وليه اسم اكيد بتجربة او لو معندكش ممكن تعمل موقع باسم عام

وعند اتمام عملية الدفع يجب التأكد أن البطاقة عليها شعار فيزا أو ماستر كارد و تكون مفعله للدفع عن طريق الانترنت.

ويجب التأكد من تفعيل النطاق والاستضافة بالايميل لتجنب إيقافه بعد سبع ايام.

٢. إضافة ووردبريس على الموقع

 الوورد برس هو وسيله بتيح لنا التعديل والتصميم على الموقع الإلكتروني بسهولة بدون أي خلفية برمجة واكيد لو عندك خلفية هيفيدك.

عشان ننزله على الموقع هنرجع على الاستضافة تاني ثم نذهب إلى المثبت التلقائي : وتنزل وورد بريس مع العلم لو عايز تنشى متجر هتنزل الوورد برس مع وور كومبس له فيديو جاي ان شاء الله
 

اول خطوة نختار  https البروتوكول الامن واللى هي شكل القفل على موقعنا Let’s Encrypt SSL

اسم المدير الايميل الباسوورد عنوان الموقع واللغة الأساسية للموقع واسم وكلمة مرور قاعدة لبيانات ودا مش بنستخدمه في أي حاجة بس احفظة في مكان آمن.. وبعد كدا نعمل تثبيت

نجرب الرابط بتاع موقعنا ممكن يستغرق بعض الوقت للتنفيذ. ) ألف مبرووك بكدا بقى عندنا موقع واي حد في العالم يقدر يشوفو )

كدا خلصنا الخطوة التانية

 ٣- اختيار تصميم الموقع :

و دا هيسرع من عملية تصميم الموقع عن طريق اختيار واحد من القوالب المسبق تصميمها عشان يسهل علينا تصميم الموقع

هنروح على صفحة الادمن /wp-admin  ونكتب بيانات اسم المستخدم والباسورد للدخول وبعدها  ( لوحة التحكم هو المكان اللي بنتحكم في الموقع من خلاله,

هنروح على المظهر أو Appearance  وبعدها نبحث عن قالب Astra    هو أفضل موقع يقدم قوالب مجانيه لو مش متاح هتلاقيه عبر هذا الرابط وشرحت ازاى تنزله قبل كدا.
وتعمله تحميل وتفعيل  ( بعدها  نضغط على Get started. _  وهنا هو بينزل قوالب جاهزة  … بعدها بيسأل حابب تعدل على الموقع بأي نوع إضافة للتعديل.

ممكن تختار أي واحد منهم يؤدي الغرض انا هنا هشرح على اليمنتور    ”  وهو أداة بتساعدني في التعديل على الموقع بسهولة ”  مع العلم ان المينتور اصله من ا س را ئ يل فمنصحش أي حد يدفعله أي شيء واحنا هنا بنستخدم الجزء المجاني منه .

طيب انت عايز تعمل حاجة اكثر احترافيه اتفضل هذا الرابط وادخل على الموقع دا واشتري قالب من الاف القوالب الرهيبة جدا واللى تقدر من خلالها تعمل أي موقع احترافي حرفياً

وبعدها ننزل القالب وانا هختار المجاني وبعدها اختار بتاع مطعم bbq ( طيب بصيت على كل القوالب دي ومعجبتكش حاجة .. هنصحك تروح على موقع اخر تجيب منه قوالب مجانية او مدفوعة رائعة موجودة ( جاري تجهيز المقالة لكم ) بعنوان ( أفضل بدائل لثيم استرا و قوالب مجانية ومدفوعة للووردبريس ستعجبك ) ..

بكدا ننزلنا الموقع هندخل في الخطوة اللي بعد كدا

٤- التعديل على الموقع

تم شرحهم بالكامل عبر الفيديو.

• التعديل على محتوى الصفحات المتغير  منُ Edit with elementor والذي تم شرحه سابقاً الشريط العلوي دا مش هيظهر غير فقط للأدمن هنا شرح
• التعديل على المحتوى الثابت وهو الهيدر والفوتر الجزء العلوي والسفلي من Cuzomzer 

 ٥- ترجمة الموقع

ودي الخطوة المهمة هنا عندنا طريقتين

الطريقة الآولى اننا نخلي جوجل هو اللي يترجم لنا الموقع ودي مش بتدينا الحرية في التعديل على أي حاجة وانتوا عارفين بلاوي ترجمة جوجل!

الطرقة الثانية ومن خلالها بتقوم بترجمة الموقع بالكامل بنفسك ودي اللى هنشرحها لاني اكثر عملية وبتديلك تحكم كامل في الموقع وذلك بإستخدام إضافة Polylang المجانية كما ان يوجد بديل لها مدفوع ورائع اسمه Wpml.

دي نظرة سريعة على المحتوى المذكور في الفيديو وينصح بالتأكيد مشاهدة الفيديو للتطبيق بنفسك والبدء في انشاء موقعك المتعدد اللغات.

لو واجهتكم مشاكل اكتبوها لي ولو عايزين اعمل فيديو تتصرف ازاى لو نزلت الوورد برس غلط او عايز تحذفه او تغير الثيم اكتبوا في التعليقات.