أفضل إضافات للمتصفح لتصوير الشاشة فيديو وكاميرا

مواقع واضافات لتصوير الشاشة مجاناً ازاي اصور الشاشة وانزل فيديو على اليوتيوب، بتستخدم برنامج ايه عشان تصور الشاشة دا سؤال متكرر والنهاردة هقولكم أفضل ٣ إضافات برامج لتصوير الشاشة مجاناً واكيد ممكن تنشر الفيديو ع اليوتيوب او لو في شغلك .

وعايز اقولكم ان الموضوع دا مهم جداً لانك لما بتشرح لحد حاجة اونلاين بيكون صعب تشرحها فقط صوت او كتابة والفيديو بألف كلمة زي ما بيقولوا  وتقدر كمان تستبدل اجتماعاتك بالفيديوهات دي

  والجميل ممكن لو بتشتغل في المبيعات تزود فرص مبيعاتك وهقولك ازاى في اخر المقالة: .. بندأ بأول اضافة وهي

vidyard

• عبارة عن موقع بتدخل تسجل عضويه مجانية

•  تصور حتى ٢٥ فيديو مدة كل واحد ٣٠ دقيقة مجانأً

• وتقدر تشارك الفيديو مع أي حد ويعلق عليه ويجيلك احصائيات بالمشاهدات

•  وتقدر ترفع الفيديوهات من خلاله على اليوتيوب، لنيكد ان، فيسبوك مباشرة يحتاج انتجريشن Apps & Integrations – Vidyard
• تقدر تعدل على الفيديو تحذف نقاط بداخلة او تضيف فيديو مصور من قبل خصائص تحرير ضعيفه
• اللي يميزة خصائص معرفة المشاهد قعد اد ايه على فيديو وشاف اد ايه ولكن دا بفلوس 

رابط التحميل

https://secure.vidyard.com/referrals/link/ETWXFAkamXfRvDgZS7EcXav5

screencastify

وهو برده إضافة على المتصفح لكنه ممتع جداً بيديلك مجاناً

• تصوير لحد ١٠ فيديوهات وهحتاج تحذفهم بعد كدا لو عايز تصور تاني
• تقدر تصور تاب معينه او الجهاز كله وبالتاكيد تفتح الكاميرا
• عند التصوير تقدر تظهر الماوس
• في محرر قوي للفيدوهات عشان تعدل عليها وتضيف نصوص وصور وفيديوهات على الفيديو الخ وتقدر تستخدم المحرر بشكل منفصل وترفع عليه فيديوهات بس اكيد بياخد وقت لانه بيشتكل اونلاين عن طريق الانترنت
   ( بيتعامل مع الفيديوهات فقط الصور لا وأيضا مفيش تأثيرات تقدر تعملها لان الهدف منه عمل شروحات بيور )
•  وبيرفعهملك على رابط تقدر تبعته لأي حد وتقدر مباشرةً ترفع من خلاله فيديو ع اليوتيوب او على جوجل درايف بعد ما تربطه  او تشارك رابط من الموقع وبيكون في مساحة للتعليقات على الفيديو على موقعهم ( وبيزيه بيصور بجودة عالية ومساحة قليلة وتقدر كمان تزود الجودة من الخصائص )
• تقدر كمان في وسط الفيديو تعمل اختبار سؤال واجابه اختيارات وعشان تشاركه لازم يكون الفيديو على سيرفر.الموقع مش اليوتيوب اكيد ودا مثال “Screencastify” وفيه ربط مع Google Classroom اللي بيساعدك تعمل نظام اسئله واجوبه اعمق

رابط التحميل:

https://bit.ly/VidNology2

Loom

نيجي بقى للإضافة العملاقة LOOM  الآضافة دي قويه جداً الصراحة في موضوع تصوير الشاشة وعمل فيديوهات

• فيه منه برنامج وابلكيشن واضافة على المتصفحات ” والواجهه بتاعته ممتعه جداً”
• تقدر تصور لحد ٢٥ فيديو على حسابك الفيديو الواحد مدته حد اقصى ٥ دقائق مجاناً
• تقدر تحط مقدمة في بدايه الفديو او اعنوان من القوالب الموجودة
• اشتركت في القناة؟ طيب اعمل لايك 🙂 
• تقدر تتحكم في مساحة الكاميرا قبل وخلال التصوير وتخلي الخلفية بلوري 
• تقدر في خلال التصوير ان توقف مؤقت وتخفي أي بيانات حساسه ودا شيء رائع لو في بيانات فيزا او صور
  
  تحرير الفيديو
• بعد ما تخلص تصوير الفيديو تقدر تحط له نص كتابة يظهر مع الفيديو تغير الثامبنيل صورته او تحط زر على الفيديو وتوديهم لرابط معين ودا مهم جدا لو بتشرح حاجة وفي لينك ليها تقدر تشاركة مباشرةً ع الفيديو ومتقدرش تعمل كدا ع اليوتيوب اكيد
   
• وفي خاصية بعتبرها مهمه جداً انك تعرف مين اللي شاف الفيديو ويبعتلك ايميل بيه مثلا  او رساله على المتصفح ان في حد بيشوف الفيديو دلوقت وف التطبيق بتاعهم

• بيكون عندك رابط تشاركة مع أي حد واللي بيشوف الفيديو يقدر يسرع الفيديو ويعلق ع الفيديو بأعجاب او اموجي وبتكون موجودة على الوقت اللي حطهالك فيه ويقدر يكتب والمفاجاة انه يقدر يرد عليك بفيديو هو كمان واكيد تقدر تشوف مين اللي كتبتلك وعملك لايك وتعليق الخ
   
• الرهيب في تحرير الفيديو انك من خلال Video Settings  تقدر تنظف الصوت في الفيديو وتحسنه وتشيل الدوشة او الهمهمة ف الكلام أو تخلي في مساحة للتعليقات او اللاموجي وكل الخصائص او لا  او تخلي عدد المشاهدين يظهر للكل ولا لا 
• وطبعا في انتجريشن او ربط مع كل الخدمات دي

• لو بقى بتشتغل  في المبيعات في حركة اتعملت معايا شخصيا  وخلتني اشوف الفيديو هي انك اول ٣ ثواني من الفديو تصور نفسك واسم الشخص مثلا مكتوب ف ورقة كبيرة  وتصور فيديو لعميل متوقع انه هيشتري منك وتبعتله شرح خدمتك بفيديو على لينكد ان او الايميل مثلا وهيظهر اول  ٣ ثواني متحركين فيهم اسمه فبنسبة كبيرة هيشوف الفيديو كامل وهيتفتركك كمان
• Vidyard مثال حي وطريقة ممكن تستخدمها في الفيديو عشان تجذب العميل.