مقدمة
الإيميل كان ولازال واحد من الأدوات المهمة في التواصل، خاصة في الشركات والمؤسسات.. عشان كدا الفيديو دا مهم جدا لكل #خريج_طازة وايضاً اللي شغالين في شركات في 5 خطوات هتقدر تنظم ايميلك. هدفنا في نهاية الحلقة دي تعرف تخلي ايميلك كدا
ودا عشان متفوتش أي ايميل مهم يجيلك خاصة لو بتقدم على وظائف او في شغلك.
إعـلان
الخطوات
- Inbox لازم يكون فاضي .. لانه بالبلدي كدا زي الانبوكس اللى بيجيلك فيه جوابات وظروف مينفعش يبقى فيه 100 جواب مقرتهمش .. يا ترميهم ياتمنع الشخص اللى بيبعتلك رسائل ازاى .. دي الخطوة التانية.
- Unsubscribe إلغى اشتراكك من كل الرسائل الدعائية والمواقع المزعجة وشبكات التواصل.
متقنعنيش انك قاعد تتابع السوشيال ميديا من ايميلك وتشوف الرسائل بتاعتها عشان كدا الغى كله..
ودا بتعمل عن طريق انك تبحث عن الكلمة في اخر كل رسالة ولو مش موجودة او ضغطت عليها وبرده الرسائل بتيجي اجري على زر SPAM بحيث الرسالة متجيش على الانبوكس، ولو دخلت ع السبام ولقيت رسالة مهمه خليها تيجي ع الانبوكس. وفي فيديو شرحت فيه اداه تحللك الموضوع دا تقدر تشوفوا من هنا.
- استخدم Filters & Folders لو كنت بتستخدم اوتلوك او جيميل لازم تستفيد بمزايا الفلتر والفولدرات على سبيل المثال كل يوم انت بتتحط في الـ CC في ايميلات كتير ومش مطلوب منك تاخد فيها اكشن معين مجرد بس تشوفها او عشان تكون موجودة عندك من باب العلم بالشئ لو حصل مشكلة تقدر تلاقيها في ايميلك فبالتأكيد انت مش محتاج تشوفهم في الانبوكس فهنا ممكن تستفيد انك تعمل فولدر باسم الحاجة دي وليكن الاقتراحات وتعمل فلتر أي ايميل يجيلك من Suggtion@nology.com يجيليك على الفولدر دا .. أو انك تعمل فولدر بالاسم بعد ما تشوف الايميل تنقل الرسالة للفولدر دا.يبقى انت اول ما تستلم شغل جديد كـ خريج طازة ابتدي اعملك فولدرات وتقسيمه عشان يبقى عندك مرجع للإيميلات اللى انت تحتاجها.
- Followup دلوقتي انت بقيت منظم وايميلك رايق بس متتوقعش ان كل الناس زيك دلوقتي.. فعشان كدا لازم يكون عندك سياسة للفولو اب يعنى بتبعت ايميل مهم ومنتظر رد مينفعش تسيبه كدا فعندك كذا طريقة للفلوا اب.
- هتبعت الايميل وبعد ما تخلص تعمله سنوز .. يعنى ينبهك ويجيلك ف الانبوكس في وقت أنت تحدده.
- تبعت الايميل وتشيله من الابنوكس وتحطه في قائمة Tasks دا لو مطلوب منك حاجة تجهزها مثلا.
- تبعت الايميل وتحط عليه علامه Starred بحيث تلاقيه بعد كدا وترجع تشوفه وتفتكرة .. دا لو انت مش فارق معاك الوقت اللى يرد فيه وعايز تفتكر الايميل.
وبشكل عام انا بستخدم الطريقة الأولى في المتابعة بتكون فعاله جدا.
- Subject عنوان الايميل هو عنوان الموضوع محل المناقشة .. طالما بتتكلموا ف نفس الموضوع يبقى تحت نفس العنوانعشان كدا هقسمة لقسمين
- أنصح ( لما حد يبعتلك ايميلك بشكل متكرر في نفس الموضوع قوله ارجوك رد على نفس الايميل)
- استخدم ( عنوان ايميل واضح (ولما ترد رد على كل اللى موجودين Reply to allومتغيرش عنوان الايميل)ولو انت تستخدم جيميل او اوتلوك انصحك تخلي الـ Conversation كلها تحت عنوان واحد مش كل رسالة تجيلك تبقى منفصله ودا بتعمله عن طريق دي
خاتمة
بكدا نكون خلصنا فيديو النهاردة أتمنى يكون مفيد لكم خاصة الخرجين الطازة ومتنسوش في قائمة لكم مخصوص موجود في وصف الفيديو وموضوع الفلاتر فيه شغل كتير لو حابين اعملكم له فيديو منفصل قولولي .. بالتعليقات
شكراً لوقتكم
إعـلان
