أريد تعلم البرمجة من أين أبدأ؟

ما هي البرمجة؟

أمثلة أخرى يدخل بها البرمجة:

• التلفزيونات الذكية – Smart TV.
• مشغل الألعاب، مثل XBox و Playstation.
• السيارات الحديثة Smart Cars.
• أو أي جهاز إلكتروني يحتوي على بروسيسور CPU، أو وحدة تحكم Microcontroller.

لماذا تتعلم البرمجة؟

1. فرص لا تنتهي وانا بقول لا تنتهي لان العصر اللي احنا فيه واللي مفيهوش شئ يخلوا من البرمجة كل شيء بيدخل وهيدخل فيه البرمجة، لو انت واحد مهتم بالتكنولوجيا هتلاقي تقريباً كل حاجة في البيت بقى بيدخل فيها برمجة .. زي iOT التلاجة، الإضاءة، الموبايل VR, AI  والمنتجات الطبية الزراعية، الصناعية،  إلخ الخ .. واللى يؤكد الكلام دا إن الوظيفة رقم 1 طلباً على العالم بموقع لينكد إن Software Developer في 15 مليون وظيفة متاحة انت متخيل؟ رابط توضيحي
2. من غير شهادة دا واحد من عشرات المجالات اللى ممكن تشتغل فيهم بدون شهادة جامعية او انك تتخرج من مكان معين عشان تشتغل لانها وظيفة او وظائف البرمجة بشكل عام تعتمد على المهارة والخبرة .. والنجاح في اختبار الشركة المتقدم لها.

1. توسع الأفق .. متقدرش تكتب كود أو تبرمج شيء بخطوات منطقية فدا في حد ذاته هطور من طريقة تفكيرك ويساعدك على حل المشاكل بمنطقية.
2. من البيت أو المكتب وظائف البرمجة عموماً هي وظيفة مكتبية وعادةً بتكون من عواميد الشركة فمهم انهم يوفروا لك بيئة عمل مريحة، وطبعاً لو حصل مشكلة زي اللى احنا فيها دلوقتي إحصائية من لينكد إن بتقول اكتر من 195 مليون شخص عاطل عن العمل على مستوى العالم بسبب كورونا، فأكيد لو عندك فرصة تشتغل من البيت في ظروف زي دي هتبقى حاجة مهمه جدا.
3. الفلوسودي حاجة محدش يختلف عليها وكل ما كان مستواك اعلى كل ما اتفحلك فرص والشركات ممكن تتهافت عليك .. ويجي يوم وأنت الى تحدد مرتبك اللي أنت عايزه دا شفته قدام عنيا في واحد من الشركات.
4. فرصة لأولادكفرصة لآبنك او بنتك تعلمها البرمجة منذ الطفولة هتوسع أفقهم وتنمى عندهم مهارة التحليل وتؤهلهم لفرص تفيدهم في مستقبلهم وتعلمهم حل المشاكل وازاي يفكر بمنطقية وبالاسفل روابط لبعض التطبيقات  ارشحها تبتدي فيها مع أولادك.
   • Kodable ( ايفون )
     • تطبيق Kodable يساعد الأطفال بشكل كبير في إدراك و تعلم مفاهيم البرمجة بطريقة سهلة و جذابة من خلال استعمال التطبيق الرسوم المتحركة والتي تكون محبوبة أكثر لدى الأطفال
   • ScratchJr ( اندرويد – ايفون )
     • تطبيق scratchJR الغني عن التعريف والدي تمت برمجته بهدف تعليم الأطفال البرمجة و بالتحديد الأطفال دو عمر بين 5 و 10 سنوات, التطبيق هو في الأساس تطبيق تفاعلي ذو واجهة رسومية تتلاءم مع ميولات الطفل مما يجعله محبب لديه ولا يمل منه.
5. عملك ملموس، ودي حاجة انا بحبها شخصياً ان في نتيجة من شغلي ملموسة اقدر أشوف التطبيق، الموقع، البرنامج او حتى اللعبة اللى شاركت في برمجتها إحساس مش هعرف اوصفة غير لما تحسه بنفسك؟

عايز أسباب تانية ولا كفاية كدا؟

طيب عرفنا أسباب دخولنا في المجال أبدأ منين؟

كيف تبدأ كمبرمج

لازم في البداية تكون عارف أن أي شخص مهما كانت مؤهلاته يقدر يتعلم برمجة ولازم تكون عارف ان مسار البرمجة بشكل عام بيتطلب بعض الجهد والوقت عشان تبقى محترف.

وفي البدايه لما تنظر لشكل الكود او الكتابة بنعتقد أن الموضوع معقد للغاية لازم تبقى حافظ كل كلمة بتكتبها، ومتقن اللغة، لكن في الحقيقة الموضوع مش كدا .. لانك بعد الدراسة اللغة بتعرف الأساسيات

وبيكون عندك مرجع ترجعله عند كتابة أي كود او حتى من خلال بحثك .. لكن المهم في الموضوع واللى بيتطلب جهد هو طريقة تفكيرك لحل المشكلة او الوصول لهدف معين.

عشان تبدأ في المجال لازم الأول تبقى عارف انت عايز تبرمج ايه ومن هنا هيجي سؤال:

أنواع لغات البرمجة وكيف تختار اللغة التي أبدأ في تعلمها؟

قبل ما ابدأ في الأقسام والانواع لازم تكون عارف ان لغات البرمجة كلها بتتفق في أشياء وقواعد كتير فكرة انك تبدأ بأي لغه أو مجال فيهم بيوسع مداركك وبيسهل عليك في المستقبل تتعلم أي لغة بشكل اسرع واسهل.

هحاول الخص الموضوع في شويه نقاط بسيطة عشان متتحيرش كتير:

1. موقع إلكتروني ( Web Development ) ودا بيتكون من جزئين
   ( Front End + Back End) ودول زي المطعم الفرونت الصالة اللي بتقعد فيها وتنتظر الطعام، والباك إيند هو المطبخ.
   • انصح في الـ Front End  استخدام Vanilla JS
     • HTML + CSSودول ميعتبروش لغات برمجة بس هم الأساس في البناية والتصميم .. يعنى اتش تي ام ال توصيف، سي اس تنسيق، ومدخل مريح لك في البداية ومفيش موقع مفيهوش الاتش تي ام ال او CSS.
     •  JavaScript ودي أول لغة وحسب بحثي وجدت أن الأفضل انك تستخدم مكتبة Vanilla JS  أي بدون بيئة عمل ودا هيساعدك تتعلمها من البداية.
     • 
   • Back End: PHP + لغة قاعدة البيانات MySQL
     وممكن برده تختار Javascript او Python , Java
     وفي الوظائف في حد بيكون Full Stack  ودا اللي بيجمع بين الاثنين.

      

     اما الجزء التاني هو:
2. تطبيقات الموبايل ( Mobile Development )
3. • لو هتعمل تطبيق للأيفون نظام تشغيل iOS هتستخدم لغة SWIFT
   • أما لو تطبيق اندرويد Android هتستخدم Java أو Kotlin وبعد مقارنة  جافا افضل تقدر تشوفها عبر الضغط على الكلمة.
   • وفي طرق أخرى لعمل تطبيق متوافق مع الاندرويد والـ IOS ودا بيسموه Cross Platform  –  ودي بنستخدم فيها بيئة عمل زي  DART وهي معتمدة على JAVA.
   • وممكن في المستقبل يكون في حاجة تنتجها شركة هواوي او سامسونج مين عارف.
4. وفي مجالات أخرى زي تطوير الألعاب ( Game Development )، Chatbot AI  الساعات الذكية، Desktop programs، VR AR ، إلخ إلخ

طيب بشكل مبدئي بنيت فكرة عن الموضوع

عايز ابدأ اتعلم لغة برمجة ابتدي منين؟

الحقيقة انصح انك تتعلم الموضوع دا اونلاين ومتفكرش تروح مكان مخصوص عشان تتعلم لان المصادر على الإنترنت كتير جدا..

واول شيء لازم تخلية في دماغك انك تتعلم من مكان يديلك مسار تعليمي واضح ومنتهي يعنى متدورش في كورسات على اليوتيوب بدون ما تتأكد انها كاملة وفيها كل الاساسيات، اللى هتحتاجها عشان تبدأ.

وهنصح بأكثر من منصة ممكن تبدأ بيها مثل:

➡ دليل تعلم البرمجة من أكاديمية حسوب
🔗 https://nologytv.com/go/hsoub-learn-programing/

➡ دورة علوم الحاسوب من الصفر
🔗 https://nologytv.com/go/hsoub-newcomputer/

➡ تطوير التطبيقات باستخدام لغة جافا
🔗 https://nologytv.com/go/hsoub-learn-java-language/

شاهد فيديو أول خطوة في تعلم البرمجة للمبتدئين من الصفر

أتمنى يكون مفيد لأي شخص حابب يبدأ في المجال. 🌷