أهم 10 نصائح لعمل بروفايل شخصي قوي على لينكدان

01

من 12

1⚡Complete your profile (all-stars)

كمل البروفايل بتاعك بإدخال كل البيانات المطلوبة و تقدر تشوف مستوى بروفايلك عن طريق⏬
ادخل على Me و انزل فى بروفايلك هتلاقى كلمة Dashboard و جنبها عدد نجوم بتمثل قوة بروفايلك لو وصلت ل All Stars كدا انت فل جدا ⭐⭐⭐⭐⭐
📌 طيب عشان اكمل بروفايلى لازم اكمل الحاجات دى

• – ارفع صورة شخصية ( تابع رقم ٢)
• – ارفع صورة غلاف ( تابع رقم ٥)
• – اعمل About محترم ( تابع رقم ٥)
• – املأ خانة الخبرات Experience عن طريق كتابة المسمى الوظيفى هيطلع لك اختيارات اختر منها وظيفتك. ثم اسم الشركة و اخيرا دورك الوظيفي و الفترة الزمنية.
• – املأ خانة التعليم بكتابة المؤهل العلمى ثم اسم الجامعة والتخرج أو السنة الدراسية
• – املأ خانة الأعمال التطوعية بكتابة المسمى التطوعي ثم اسم المؤسسة و اخيرا دورك هناك و الفترة الزمنية
• – املأ خانة الكورسات و الشهادات بكتابة اسم الكورس أو الشهادة و مكان اعتماها و أخيرا التاريخ
• – املأ خانة المهارات بعمل قائمة من أهم المهارات الفعلية المتوفرة فيك.
• – اعمل Add للناس اللى فى نفس مجالك و غيرهم من الناس المهمة فى عالم البيزنس على الاقل لازم يكون الاكونت بتاعك عليه 500 Connections

02

من 12

2⚡Use a good picture

اختار صورة كويسة بتبص فيها للكاميرا و يفضل تكون مبتسم كدا.
البروفايل ال فيه صورة شخصية كويسة بيكون أعلى 15 مرة ان الناس تفتحه و كمان أعلى 8 مرات ان الناس تبعتلك إضافة.
💣 بلاش تحط صورة مع حد من صحابك، ولا فى أى مناسبة عائلية زى أعياد الميلاد و الأفراح، ولا صورة على البحر ولا سيلفى.

03

من 12

3⚡Proper and customized headline

اختار عنوان مناسب ليك و لكاريرك
عن طريق اختيار مجال شغلك/ دراستك مع المسمى الوظيفى بتاعك الحالى أو ال انت مخطط تشتغله مكون من 120 كلمه فقط.

04

من 12

4⚡ Making A professional, simple summary

لازم تعمل ملخص عملى/ دراسى مبسط عنك مكون من 2000 كلمة بحد أقصى طب أكتب فيه ايه؟
📌 تبدأ بالمسمى الوظيفى بتاعك + عدد سنين الخبرة + الكورسات أو الشهادات المتعلقة بالمجال + أكتر حاجتين أنت فخور بيهم فى حياتك متعلقين بالمشاركات المجمتعيةاو التدريبات العملية و البرامج ال انت بتقدر تستخدمها بشكل محترف.

05

من 12

5⚡Customize your URL and background photo

تقدر تتحكم فى اسم الرابط بتاعك على لينكد ان عن كريق الدخول فى بروفايلك و تعديل الملف العام و بعد كده تكتب الاسم ال انت عايزه سواء اسمك عادى او اضافه اى اختصار متعلق بشغلك.
حط صورة غلاف محترمة تخص مجالك سواء ديزاين انت عامله بشكل خاص للغرض دا أو صورة من جوجل معبرة عن الموضوع أو صورة ليك بتدى محاضرة أو تدريب عملى أو على مكتبك.

06

من 12

6⚡Ask for recommendations

كتير مننا بيتحرج أو بينسى يطلب توصيات من زمايله أو مديريه اللى اشتغل معاهم، مع ان دى فرصة قوية جدا تقوى بروفايلك قدام مسئولى التوظيف. و لكن ياريت تختار الاشخاص دول بعناية عشان رأيهم هيفرق معاك.
📌 تقدر تعمل توصية بالشكل دا
تدخل بروفايلك و تدوس على أضافة قسم جديد و منه تختار اسال عن توصية Ask For Recommendations
هيجيبلك ويندو تختار منه اسم الشخص و الشركة ال اشتغلتوا فيها و أخيرا علاقتك بالشخص دا داخل الشركة كانت ايه و بعدين ارسال.

07

من 12

7⚡Add LinkedIn skills and endorsements

لينكدان بيتيح لك إضافة المهارات اللى انت محترف فيها بحيث تظهر عندك و الناس تشوفها و تعمل تصديق عليها و دا بالتابعية بيقوى بروفايلك و بيدى ثقة لل HR انهم يكلموك لو محتاجين حد بالمهارات دى.

08

من 12

8⚡Join groups that are recommended by LinkedIn

اعمل انضمام للجروبات اللى لينكد ان بيرشحها لك أو ال اتت تعرفها عن طريق البحث باسم الجروب فى خانة البحث أعلى الصفحة و بعدين اختار Groups من الفلتر.

09

من 12

9⚡Add posts, photos and videos related to your career to engage more with your connections and followers

قوة بروفايلك متعلقة بالنشاط عليه و مشاركة المنشورات و الصور و الفيديو المتعلقة بمجال دراستك او شغلك مع الاصدقاء و المتابعين.

10

من 12

10⚡Connect with the best talents in your field to get more experience and connect with hr and hiring managers for new offers.

اعمل اضافة للناس المتميزة فى مجالك عشان تشوف اخر التحديثات و طرق العمل و الادوات الجديدة ٤ى السوق.
و بردو ضيف ال HR و خاصة المتخصصين فى مجالك لمتابعة فرص العمل الجديدة المناسبة لك.

كتب بواسطة Mariam William

11

من 12

11⚡ مشاهدة القائمة التشغيلية لفيديوهات شرح لينكدإن على قناة نولوجي

كما ننصح بالاطلاع على هذه القائمة من فيديوهات تساعدك على انشاء ملف شخصي قوي وناجح

رابط القائمة هنا

12

من 12

واخيراً يوجد كتاب تم تأليفه يعتبر دليل طلاب الجامعة الشامل لبناء حساب احترافي على لينكدإن

عمله Khaled Elahmad والأخت Alaa Almasri على تأليف هذا الدليل الشامل مساعدة طلاب الجامعة بالحصول على فرص مهنية